Abo da verdüra
Da nos chomps be da pais pro tai a chasa!
CHE ES’AINT?
Verdüra alpina da Chavalatsch sco purziun per minch’eivna: Cun nos abo da verdüra survainst da mai fin december il program inter da nossas variaziuns da verdüra – furni directamaing pro tai a chasa. Racolt vegn quai chi’d es madür e gustus – dal spinat da prümavaira, las tomatas d’utuon fin pro la portulaca d’inviern. Sur tuot on rivan in tia tas-cha var 40 differentas sorts verdüra – in tuottas fuormas e culurs. Tü survainst minch’eivna üna nouva schelta da tschinch fin ot differentas sorts – üna bella diversità. Tü scuvrischast sgür’eir verdüra cha tü nu cugnuschaivast amo. I vegn interessant – quai impromettaina!
No eschan bio – nossa verdüra inamöd!
Quant gronda es la furniziun e quant cuosta?
Tü poust tscherner tanter duos grondezzas da tas-cha – tuot tenor fom e volumen da la frais-chera. I dà la pussibiltà dad abunar las tas-chas per minch’eivna o per mincha seguond’eivna.
Tas-cha pitschna
Per 2-3 persunas
5-7 sorts da verdüra
29.- l’eivna inclus la furniziun
Exaimpel pitschen, prümavaira
1 salada da cop
1 purziun salata asia
400 g spinat
1 fasch da carottas
1 purziun piessas
2 ravinterras
Tas-cha gronda
a partir da 4 persunas
6-9 sorts da verdüra
44.- l’eivna incl. furniziun
Exaimpel grond, prümavaira
1 latitschun fegl-ruver (salata da prümavaira), 1 salata da cop
1 purziun salata asia
1 fasch ravanels
2 finochs
600 g spinat
1 purziun piessas
2 ravinterras
1 fasch da carottas
CO RIVA LA VERDÜRA PRO TAI ?
No furnin las tas-chas minch’eivna in venderdi a bunura da mai fin Nadal.
Furniziun fin a chasa
Tia tas-cha da verdüra maina la postina fin pro tai davant porta. In venderdi a bunura manaina las tas-chas in posta. Davent da là surpiglia la posta e furnischa pro tai a chasa.
Ün pa movimaint nu fa don – ir svess per davo i’l depot
In tscherts cumüns e quartiers mettaina ad ir depots. Mincha venderdi plü o main a partir da las 8:00, poust ir per tia tas-cha i’l depot.
INGIO FURNINA?
Wir beliefern das gesamte Engadin von Martina bis Maloja. In den unterstrichenen Dörfern befindet sich ein Depot von uns.
