Fich simpel: 

Sün nossa pagina d’internet suot la rubrica > Postaziun chattast nos formular per la postaziun. Til implischa oura e no confermain l’entrada da tia postaziun per e-mail e’t dain resposta ad ulteriuras dumondas. E fingià survainst minch’eivna verdüra frais-cha da nos bain Chavalatsch! 

Segua a quist link pella postaziun: https://bio-chavalatsch.ch/gemueseabo/bestellung/ 

Per e-mail: info@bio-chavalatsch.ch o per telefon 081 508 03 15

Üna descripziun da las differentas grondezzas chattast quia: https://bio-chavalatsch.ch/gemueseabo/#Abogrossen. 

Illa tas-cha pitschna chattast minch’eivna 5 fin 7 differentas sorts da verdüra (adüna 1 fin 2 salatas). La tas-cha gronda cumpiglia adüna 2 fin 3 salatas e totalmaing 6 fin 9 differentas sorts verdüra. Eir la quantità da las singulas sorts es plü gronda co illa tas-cha pitschna. Causa cha las differentas sorts nun han il listess pais, po variar il pais da la tas-cha dad eivna ad eivna. Da prümavaira es la quantità pelplü ün pa plü pitschna – per la paja sun las tas-chas d’instà e d’utuon implidas abundantamaing Eir la quantità da las singulas sorts es plü gronda co illa tas-cha pitschna. Causa cha las differentas sorts nun han il listess pais, po variar il pais da la tas-cha dad eivna ad eivna. Da prümavaira es la quantità pelplü ün pa plü pitschna – per la paja sun las tas-chas d’instà e d’utuon implidas abundantamaing. 

Es stat l’ögl plü grond co’l bögl o voust amo daplü? Tü poust müdar grondezza da tas-cha eir dürant la stagiun in nos portal per abunents: Portal per abunents ! 

Scha eir la tas-cha pitschna pisser’adüna per üna frais-chera plaina chi nu’s voul svödar: Guarda da chattar ünA vaschinA cun qualA tü poust partir l’abo – o lascha’t furnir la tas-cha be mincha seguond’eivna. 

La stagiun d’abo düra da mai fin Nadal. Dürant quist temp furnina la verdüra mincha venderdi. La prüma ta-scha survainst in venderdi ils 3 mai – l’ultima avant Nadal, voul dir ils 20 december 2024. 

Scha tü vessast da croudar davopro in üna foura, sainza nossa verdüra, hast la pussibiltà da retrar pro no verdüra da nos deposit. No infuormain d’utuon a reguard la postaziun in december.

Tü hast duos pussibiltats: 

Obain cha tü laschast furnir tia tas-cha da la posta. La postina at surdà la tas-cha da verdüra in venderdi a bunura – o ch’ella tilla depositescha davant tia porta, pro tia chartera o in ün lö giavüschà. 

L’alternativa es cha tü retirast tia tas-cha in venderdi a bunura in ün da noss depots cha no drizzain aint in tscherts cumüns o quartiers. Portal per abunents, ausserdem sind die Dörfer mit Depots auf der https://bio-chavalatsch.ch/gemueseabo/#Abogrossen aufgelistetvezzast ingio cha’ls depots as rechattan. Schi nu dà amo ingün depot in teis cumün e tü cugnuoschast ün lö adattà, ans contactescha sün info@bio-chavalatsch.ch

Tschegn: La tas-cha pitschna inclus la furniziun a chasa cuosta 29.- l’eivna. Scha tü tschernast dad ir per davo tia tas-cha i’l depot, pajast 27.- l’eivna. Eir pro la tas-cha gronda profitast d’üna reducziun da 2 francs scha tü fast üna spassegiadina pro’l depot da tia tscherna – dimena 42.- l’eivna impè da 44.- l’eivna.

I’l depot: Scha tü vast per tia ta-scha i’l depot, poust depositar la tas-cha vöda da l’eivna passada simplamaing darcheu i’l depot. Uschè chatt’la la via inavo pro no.

Furniziun a chasa: Tü poust metter la tas-cha vöda in tia chartera. La postina tilla piglia lura darcheu cun sai cun occasiun. 

Il cuntgnü da la ta-scha es stagiunal e cumpiglia quai cha’ls chomps ans spordschan güsta. Scha alch verdüra nun es propa na tenor teis gust e las recettas in nos portal per abunents nu’t güdan in teis dilemma, daja sgüra vaschinAs, amiAs, collegAs da lavur chi s’allegran dad ün pitschen regal biologic. Nossas tas-chas cuntegnan tuottas il medem. Tras quai cha no nu stuvain tour resguard a giavüschs specials pro la planisaziun da la cultivaziun e pro’l pakettar las tas-chas, pudaina spordscher ün predsch fair e nu stuvain büttar davent verdüra na giavüschada. 

Eir scha tü hast ün abo da verdüra, poust ir in vacanzas! 

La megldra soluziun es cha tü regalast la verdüra dürant il temp da ti’absenza a teis amis o als chars vaschins chi dan aua a tias fluors e pavlan il giat. Quels han sgüra gust da la verdüra frais-cha! 

Tü nu chattast ingün chi mangia tia verdüra dürant tias vacanzas? Ingün problem: Ans infuormescha ouravant e tü nu survainst ingüna verdüra dürant quel temp. 

Ingüna temma – la lavur surpigliain no! Scha tü hast tuottüna üna jada vöglia da chavar svess illa terra e scha tü voust giodair la vista cha las carottas han sü Chavalatsch, ans poust jent contactar per mail info@bio-chavalatsch.ch o amo meglder esa scha tü ans dast svelt ün scling. Lavur daja avuonda per tuots! 

Bain cler! No’ns allegrain da visitas buondriusas. Nos bain spordscha üna bella vista vers Scuol ed üna visita vala definitivamaing la paina. I gira adüna magari bler, ma pelplü ans chattast x-inclur intuorn il bain. Jent at muossaina noss chomps e la stalla scha’l temp ans permetta. Scha quai nu vess dad esser il cas: Sün nossa terrassina sulagliva poust giodair ün bun cafè, at servir cun bavrondas fraidas e sgüra cha tü chattast eir alch piculezzas da maglioccar. 

Bio-logic! No manain l’inter bain tenor las directivas da Bio Suisse. Tia verdüra es damaja 100% bio! 

Tü poust desdir teis abo adüna per la fin dal mais. Ans scriva simplamaing ün e-mail.

No vain surtut il Bain Chavalatsch il principi da l’on. Fin uossa nun han amo tuot nossas ideas pudü gnir realisadas. Perquai nu daja pel mumaint amo ingüna butietta dal bain. Üna schelta da nossa verdüra poust però cumprar pro Bio Betschla a Scuol. 

No at tramettain duos jadas dürant la stagiun per e-mail ün quint electronic pellas tas-chas e’ls prodots furnits.

Hast damassa o cumportessast amo daplü? Tü poust adattar tia grondezza dad abo dürant tuot la stagiun Portal per abunents !

Ingüna panica! Pelplü cugnuoschast la verdüra ed hast per quella fingià tias recettas predilettas. Scha no furnin verdüra ün pa plü speciala, mettaina minchatant pro üna recetta. I’l portal per abunents chattast dal rest üna collecziun da recettas per quista verdüra ün pa incuntschainta. Portal per abunents dvainta tia cuschina plü variada e tü scuvrischast adüna darcheu alch nouv.

Noss chomps da verdüra as rechattan sur Scuol sün bod 1400 meters sur mar.Per quai sun tscherts dubis a reguard la diversità da verdüra güstifichats. No vain però pisserà per tunnels da folia. In quels tunnels crescha daspö marz nossa verdüra pellas tas-chas da mai ed apaina cha quella es racolta, implantaina oberschinas, peperuns e cucumers. Ma eir «dadoura» esa pussibel da semnar e racoglier blera differenta verdüra, uschè cha tü hast üna bella variaziun dürant tuot la stagiun. Cler cha in mai nu’t pudaina amo servir tomatas e la tscherna es limitada. A mezza stà vegna per la paja tant plü varià, d’utuon nun es la diversità da batter e spranza cha fin Nadal nu sarà mai üna tas-cha istessa sco tschella. 

Na mo persvas? Quia chattast üna schelta da nos plan da cultivaziun:

salata asia
oberschinas
cardifiol
bagiana bassa
broccoli
catalogna/puntarelle
cavolo nero
chilis
cima di rapa
cicorina rosso
cicorino treviso
andivia
giabus spennà
finoch
tschiguolla da prümavaira
agl frais-ch
cucumer
giabus blau
giabus alb
carottas in faschins
carottas
malinterra
colravas
piessas
zücha
latitschun
puorv gross
rampunella
pak choi
pastinacas
peperuns
ravanels
ronas
rabarber
rucola
salatas da cop
selerin
spinat
Stangensellerie
Schnittmangold
tomatas tschirescha
tomatas
versa
tschiguolla
zucchetti
cheu da zücher
furmantun dutsch